Ջեքի Չանը հոսպիտալացվել է. ԶԼՄ

Չինացի դերասան Ջեքի Չանը դեկտեմբերի 25-ին շտապ հոսպիտալացվել է Շանհայի Լին Շան հիվանդանոց։ Նրա վիճակը գնահատվում է ծանր։ Լրատվամիջոցները գրում են, որ արտիստի հոսպիտալացման մասին բոլոր լուրերը ակտիվորեն հեռացվում են չինական սոցցանցերից, իսկ օգտահաշիվները, որոնք հայտնել են այդ մասին, արգելափակվել են։

Դերասանի վիճակի մասին դեռևս պաշտոնական տեղեկություն չկա, Ջեքի Չանի ընտանիքն ու ընկերները նույնպես չեն մեկնաբանում նրա առողջական վիճակը։

Հայտնի է, որ Բալկաններում նկարահանումների ժամանակ դերասանը գլխուղեղի ծանր տրավմատիկ վնասվածք է ստացել ու բարդ վիրահատության ենթարկվել։ Նա հենաշարժողական խնդիրներ ուներ։