Հայաստանը մասնակցել է Ռուսաստանի հարավում անցկացվող վարժանքներին
- SMM Hub
- Nov 20, 2022
- 1 min read
Մարտական հրաձգության վարժություններն իրականացվել են Տ-72Բ3 և Տ-90Ա ժամանակակից տանկերով՝ սովորական արկերի օգտագործմամբ։
Հարավային ռազմական օկրուգի միավորումների և զորամասերի ավելի քան 1.5 հազար տանկիստ մարտական հրաձգության վարժություններ են անցկացրել դաշտային պայմաններում։ Տեղեկությունը հայտնել են օկրուգի մամուլի ծառայությունից:
Մարտական ուսումնառությունը տևել է 5 օր և այնտեղ, ի թիվս այլ երկրների, մասնակցել է նաև Հայաստանը։
Նշվում է, որ տանկային անձնակազմերը վարժանքներ են կատարել Վոլգոգրադի և Ռոստովի մարզերում, Ադիգեայում, Դաղստանում, Ինգուշեթիայում, Հյուսիսային Օսեթիայում, Կարաչաևո-Չերկեսիայում և Ղրիմում տեղակայված կրակարանների անապատային և լեռնաանտառային տեղանքների պայմաններում, ինչպես նաև Հայաստանի, Աբխազիայի և Հարավային Օսիայի Ռազմական օկրուգի միավորումներում:
«Տանկոդրոմներում վարորդ–մեխանիկները կատարել են կոշտ տեղանքներով տանկ վարելու վարժություններ՝ հաղթահարելով բնական խոչընդոտները, այդ թվում՝ հակատանկային փոսերը և պատնեշները։ Տանկային անձնակազմերի մարտական պատրաստության պլանով նախատեսված է ցերեկային և գիշերային ժամերին հարձակման և պաշտպանության ժամանակ տանկային ստորաբաժանումների մարտավարության ուսումնասիրություն»,- ասված է մամուլի հաղորդագրությունում:
Անձնակազմերի, հաշվարկների և միավորումների ու զորամասերի բաժանմունքների մարտական պատրաստությունը կշարունակվի ռուսական ռազմակայանի զորքերում մինչև 2022 թվականի փետրվար ամիս։