ՀՀ-ն ՏՏ ոլորտում նախկինի պես մրցունակ չէ, պետք է կառավարության կողմից էլ ներդրում լինի, որ ավելի որակով արդյունք ստանանք․ «Սիներջի» ընկերության տնօրեն
- 24timeam
- Mar 5, 2024
- 1 min read
ՏՏ ոլորտը կարգավորող օրենսդրական փաթեթի վերաբերյալ Խորհրդարանական լսումներին խոսեց նաև «Սիներջի» ընկերության տնօրեն Աշոտ Հովհաննիսյանը, ով անցնում է առերևույթ կոռուպցիոն չարաշահումների գործով։
Նոր փաթեթով առաջարկվում է օրենքով արտոնություններ տալ ոլորտին և քննարկվում է երկու մոդել՝ եկամտհարկից որոշ տոկոս վերադարձնել աշխատակցին, մյուսը՝ իրավաբանական անձին։
Աշոտ Հովհաննիսյանը նշեց, որ իրավաբանական անձին վերադարձնելով՝ վերդարձնում են նաև աշխատակցին, քանի որ ղեկավարությունն է որոշելու՝ վերդարձնել մարդկանց, թե ուղղել ոլորտի այլ ճյուղի զարգացմանը։
Աշոտ Հովհաննիսյանը նշեց, որ ՏՏ ոլորտում աշխատավարձը 8 անգամ ավելի բարձր է, քան միջին աշխատավարձը Հայաստանում։ «Դա հիմնարկի համար ծախս է, այնպես չի, որ թոշակ են տվել աշխատողներին կամ նվեր, աշխատավարձը բարձրացել է շատ ավելի արագ, քան աշխատողականությունը կամ մյուս ցուցանիշները։ Սրանից 25 տարի առաջ ՀՀ-ն շատ ավելի մրցունակ էր միջազգային շուկայում։ Աշխատավարձերը ցածր էին, բայց հնարավորությունները մեծ էին։ Այսօր մենք այդքան մրցունակ չենք, պետք է հասկանանք, պետք է նաև մտածենք ընկերությունների մասին, ոչ թե անհատների, ընկերությունն է լինում մրցունակ, ոչ թե անհատը»,-ասաց նա և նշեց, որ դա պետք է դիտարկել ներդրում՝ ընկերության մեջ։
«Ներսի փողերը չեն պտտվում, դրսից լրացուցիչ գումար է մտնում Հայաստան, մտածենք, որ եթե ներդրում անողները դժվարության մեջ են, կառավարության կողմից էլ ներդրում լինի, որ ավելի որակով արդյունք ստանանք»,-ասաց նա։