Նոր սպառազինությունների առումով Ռուսաստանն աշխարհում առաջինն է. Պուտին
- SMM Hub
- Nov 20, 2022
- 1 min read
Ռուսաստանի Զինված ուժերում փորձառու-մարտական հերթապահություն են իրականացնում «Կինժալ» ավիահամալիրները, պետական փորձարկումներ է անցնում «Ցիրկոն» գերձայնային հրթիռը, մարտական հերթապահություն են իրականացնում «Ավանգարդ» ռազմավարական հրթիռները։
Ռուսաստանն այսօր առաջատար դիրք է զբաղեցնում աշխարհում ժամանակակից սպառազինությունների մշակման գծով, հայտարարել է ՌԴ նախագահ Վլադիմիր Պուտինը։
Նա նշել է, որ այսօր միայն Ռուսաստանը գերձայնային զենք ունի, բայց վաղ թե ուշ այն կհայտնվի նաև մյուս առաջատար համաշխարհային տերությունների մոտ։
«Այն կհայտնվի նրանց մոտ։ Բայց ես կարծում եմ, որ մենք կկարողանանք մեր գործընկերներին հաճելիորեն զարմացնել, քանի որ, երբ նրանց մոտ այդ զենքը հայտնվի, մեզ մոտ, շատ մեծ հավանականությամբ, կհայտնվեն այդ զենքի դեմ պայքարի միջոցները»,-ավելացրել է Պուտինը։
Ներկայումս Ռուսաստանն աշխարհի միակ երկիրն է, որտեղ արդեն զորքերին մատակարարվում են գերձայնային հրթիռներ, հայտնում է РИА Новости-ն: