ԱՄՆ-ն կարևոր հայտարարություն է արել ԵՄ-ի հետ համագործակցության վերաբերյալ
- SMM Hub
- Nov 20, 2022
- 1 min read
ԱՄՆ վարչակազմն աջակցում է Եվրամիության ռազմական ներուժի ավելացմանը, կողմերի ներկայացուցիչները կհանդիպեն հաջորդ տարվա սկզբին՝ անվտանգության շուրջ նոր երկխոսության շրջանակում։ Այս մասին հայտարարել է ԱՄՆ պետքարտուղարի տեղակալ Ուենդի Շերմանը, փոխանցում է ТАСС:-ը։
«ԱՄՆ-ն լիովին աջակցում է ԵՄ պաշտպանական կարողությունների ամրապնդմանը եւ զարգացմանը»,- ասել է նա։ ԱՄՆ պետքարտուղար Էնթոնի Բլինքենի և ԵՄ արտաքին քաղաքականության ծառայության ղեկավար Ժոզեպ Բորելի՝ ավելի վաղ հրապարակված համատեղ հայտարարության մեջ ասվում է, որ երկխոսության շրջանակում խորհրդակցությունները ուղղված կլինեն «անվտանգության և պաշտպանության ոլորտներում ավելի սերտ համագործակցությանը»։ Ակնկալվում է, որ հանդիպմանը, որը նախատեսված է հաջորդ տարվա սկզբին, կմասնակցեն Պենտագոնի, Պետդեպարտամենտի, ԵՄ արտաքին քաղաքականության ծառայության, Եվրահանձնաժողովի և Եվրոպական պաշտպանական գործակալության ներկայացուցիչներ: