Թուրքիան պատրաստվում է արդյունահանել Սև ծովի գազը

Թուրքիայի էներգետիկայի և բնական պաշարների նախարար Ֆաթիհ Դենմեզը հայտարարել է, որ 2022 թվականին գազը, որը Թուրքիան արտադրում է Սև ծովից, կուղարկվի երկրի բոլոր կողմերը։ Այս մասին հայտնում է Anadolu-ն։

Դենմեզի խոսքով՝ ով այցելել է Թուրքիայի հյուսիսում գտնվող Զոնգուլդաք նահանգի Ֆիլյոս նահանգում կառուցվող բնական գազի վերամշակման գործարան, ձեռնարկության նախնական հզորությունը կկազմի օրական 10 միլիոն խորանարդ մետր, սակայն հետագայում նախատեսվում է այդ թիվը հասցնել մինչև 40 մլն խմ.-ի։

Դենմեզն ընդգծել է, որ նման մասշտաբի և հզորության գործարանը կզբաղեցնի առաջին տեղը Եվրոպայում։ Համալիրը նախատեսվում է շահագործման հանձնել 2022 թվականի առաջին եռամսյակում։

Թուրքիայի էներգետիկայի նախարարության ղեկավարը նշել է, որ օբյեկտը թուրքական բաշխիչ համակարգին միացնելուց հետո սևծովյան գազը կօգտագործվի Թուրքիայի բոլոր հատվածներում, ինչը օգուտ կբերի ինչպես թուրք ժողովրդին, այնպես էլ հենց պետությանը։