Toyota-ն դադարեցնում է արտադրությունը 11 գործարաններում

Ճապոնական խոշոր ավտոարտադրող Toyota-ն հայտարարել է երկրի ներսում 11 գործարանների աշխատանքի ժամանակավոր դադարեցման մասին։ Ճապոնիայում Toyota-ն ունի 14 գործարան։

Աշխատանքի դադարեցման պատճառներն են քովիդի դեպքերի աճն ու կիսահաղորդիչների մասնակի սղությունը. հայտնում է Nikkei Asia-ն։ Ընդհանուր առմամբ կդադարի աշխատել 21 արտադրական հոսքագիծ։ Ընկերությունը կկրճատի առաջարկը 47 հազար մեքենայով։

Ավելի վաղ հայտնի էր դարձել ընկերության աշխատակիցների շրջանում վարակման 20 դեպքի մասին։