ՏԱԹԵՒՈՒՄ ԻՆՔՆԱՊԱՇՏՊԱՆԱԿԱՆ ՋՈԿԱՏՆԵՐ ԵՆ ՁԵՒԱՎՈՐՎԵԼ
Տաթև համայնքի բոլոր բնակավայրերում աշխատանքներն իրականացվում են արտակարգ ռեժիմով։ Համայնքի ղեկավարության նախաձեռնությամբ ինքնապաշտպանական ջոկատներ են ձևավորվել և պատրաստ են ցանկացած պահի զորավիգ լինել մեր բանակին։
Համայնքապետարանի շուրջօրյա աշխատանքները համակարգում է Տաթև համայնքի ղեկավար, փոխգնդապետ Սամվել Լալայանը, իսկ անվտանգության խորհրդի աշխատանքները ղեկավարում է փոխհամայնքապետ Մարատ Գերասիմյանը։
Աշխատակազմն իր լիազորությունների շրջանակում ամեն ինչ անում է, կանխելու ադրբեջանական ագրեսիան ուղղված մեր երկրին, համայնքին, տներին։
Մեր բանակը գիտի ու պիտի իմանա՝ Տաթև համայնքը կանգնած է իր թիկունքին և պատրաստ միահամուռ ուժերով հետ մղելու թշնամուն։
Համայնքապետարանը բնակիչներին կոչ է անում ցուցաբերել առավելագույն զգոնություն, հետևել անվտանգության կանոններին, երթևեկել խխստ անհրաժեշտության դեպքում։
Իսկ Էլեկտրական շչակների ձայնը լսելուն պես համակարգված տեղափոխվել ապաստարաններ և նկուղներ։
