Հայտնի է սմարթֆոնի մարտկոցի կյանքը երկարացնելու միջոցը

Փորձագետները նշել են հաճախ հանդիպող սխալները, որոնք մարդիկ թույլ են տալիս սմարթֆոնները լիցքավորելիս, ինչպես նաեւ խոսել են գաջեթների մարտկոցի կյանքը երկարացնելու միջոցների մասին, հայտնում է «Իզվեստիան»։

Հեռախոսի մարտկոցի արագ չփչանալու համար հիմնական կանոնն այն է, որ այն չտաքանա: Կիբեռանվտանգության փորձագետ Սերգեյ Վակուլինը զգուշացրել է, որ դա կարող է տեղի ունենալ հզոր խաղեր գործարկելու, այնպիսի հավելվածներ օգտագործելու ժամանակ, որոնք գաջեթի, ինչպես նաեւ ֆոնային ռեժիմում աշխատող ներդիրների օպերատիվ հիշողության մեծ քանակություն են սպառում։ Նա նաեւ խորհուրդ է տվել լիցքավորելիս չօգտագործել կիպ պատյաններ, իսկ տաքանալու դեպքում անջատել մարտկոցը լիցքավորումից։ Վերջապես, խորհուրդ է տրվում լիցքավորման միայն «հարազատ» սարք օգտագործել:

Svoboda հաղորդակցական գործակալության կառավարիչ գործընկեր Մարկ Շերմանն իր հերթին հստակեցրել է, որ մարտկոցը միջինը աշխատում է 1-3 տարի։ Դա կախված է նրանից, թե որքան ինտենսիվ է օգտագործվում տեխնիկան: Նա հորդորել է հետեւել, որպեսզի գաջեթները շատ երկար չլիցքավորվեն, ինչպես նաեւ խորհուրդ է տվել լիցքավորումը չմիացնել գիշերվա ընթացքում։