Սաակաշվիլին խոստովանել է, որ արտամուսնական դուստր ունի

Վրաստանի նախկին նախագահ Միխեիլ Սաակաշվիլին հայտարարել է, որ վրացի երգչուհի Սոֆյա Նիժարաձեի հետ դուստր ունի՝ Էլիս Մարիա Սահակաշվիլին։

«Սա առաջին Նոր տարին է, երբ հեռուստացույցների էկրաններից իր մոր հետ (Սոֆյա Նիժարաձե) ձեզ կողջունի Mtavari Arkhi հեռուստաալիքի ամանորյա համերգի ամենափոքր մասնակից Էլիս Մարիա Սահակաշվիլին՝ իմ ամենասիրելի աղջիկն ու ամենափոքր դուստրը», - գրել է Սաակաշվիլին Facebook-ում։

Վրաստանի նախկին առաջնորդը շնորհավորել է երկրի բոլոր բնակիչներին գալիք Ամանորի կապակցությամբ և հուսով է, որ 2022 թվականը փոփոխությունների տարի կլինի: