Search
Ռուս խաղաղապահները Լեռնային Ղարաբաղում հայտնաբերել և վնասազերծել են 26 088 պայթյունավտանգ առարկա
- SMM Hub
- Nov 20, 2022
- 1 min read
Ռուսական խաղաղապահ զորակազմի զինվորականները ոչնչացրել են Լեռնային Ղարաբաղի տարածքում հայտնաբերված զինամթերքը: Այդ մասին ասվում է ՌԴ ՊՆ տեղեկագրում:
Վերջին մեկ օրում խաղաղապահ ուժերի սակրավորները ոչնչացրել են 8 զինամթերք՝ նախատեսված ձեռքի հակատանկային նռնականետի համար: Դրանք հայտնաբերվել են Մարտունիի շրջանում: Հայտնաբերված պայթյունավտանգ առարկաների ոչնչացումը տեղի է ունեցել պայթեցմամբ:
2020 թվականի նոյեմբերի 23-ից մինչ օրս հումանիտար արձագանքման ստորաբաժանման զինծառայողները չպայթած զինամթերքից մաքրել են 2326.6 հեկտար տարածք, ավելի քան 683 կմ ճանապարհ, 1937 շինություն, այդ թվում՝ 34 սոցիալական նշանակության կառույց: Հայտնաբերվել և վնասազերծվել է 26 088 պայթյունավտանգ առարկա: