Search
Renault Logan-ը վրաերթի է ենթարկել հետիոտնին, վերջինը հիվանդանոցում, գիտակցության չգալով, մահացել է
- SMM Hub
- Dec 30, 2023
- 1 min read
Այսօր՝ դեկտեմբերի 30-ին, մահվան ելքով վրաերթ է տեղի ունեցել Արարատի մարզում։ Ժամը 19:00-ի սահմաններում Արարատի մարզի բնակիչ, 62-ամյա Հովհաննես Մ.-ն, իր վարած Renault Logan մակնիշի ավտոմեքենայով Մասիս-Այնթապ ավտոճանապարհին վրաերթի է ենթարկել հետիոտն, Արարատի մարզի բնակիչ, 60-ամյա Արամ Ս.-ին։
Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, իր ավտոմեքենայով վրաերթի ենթարկվածին տեղափոխել է Մասիսի բժշկական կենտրոն, ապա կատարվածի մասին ահազանգել է ոստիկանության Մասիսի բաժին։
Մինչ քննչական խումբը կժամաներ, հիվանդանոցից ահազանգ է ստացվել ոստիկանության Մասիսի բաժին, որ վրաերթի ենթարկվածը, գիտակցության չգալով, մահացել է։
Ավտոմեքենան քննիչի հանձնարարականով տեղափոխվել է ոստիկանության Մասիսի բաժնի։
15.58.05.04.2025
12.27.05.04.2025