Քո նշանակած նախարարները քո կրկնօրինակներն են. Փաշինյանի նախկին խորհրդական
- SMM Hub
- Nov 20, 2022
- 1 min read

Քո քաղաքական որոշումների կամ որոշումների բացակայության արդյունքում են, որ զինվորները բարոյազրկված են։ Այդ մասին գրել է Նիկոլ Փաշինյանի նախկին խորհրդական Մեսրոպ Պապիկյանը։
«Քո հախուռն, անհեռատես, զգացմունքային մակերեսային քաղաքականության արդյունքում է ամեն ինչ գնում դեպի քաոս։
Քաոսը հեղափոխություն անելու համար է լավ գործիք, պետությունը քաոսով չես կարող կառավարել։ Քո շուրջը միշտ եղել է քաոս, հետ նայիր կտեսնես՝ քաոսը ՊՆ-ում է, քաոսը ԱԱԾ-ում է, քաոսը ՊՎԾ-ում է, քաոսը ԱԺ-ում է, քաոսը նախարարություններում է, քաոս ավագանիներում է, քաոսը կուսակցությունում է, քաոսը ներքաղաքական դաշտում է, քաոսը քո կենսակերպն է։
Դու քաոս ես սփռում, ոչ թե կառավարում։ Ինչքան էլ նախարարներ փոխես բան չի փոխվի, քո նշանակած նախարարները քո կրկնօրինակներն են, քո լայթ տեսակներն են։ Դու չես կարող արժեք ստեղծել, դու միայն կարող ես քաոս ծնել և սփռել», - գրել է Փաշինյանի նախկին խորհրդականը։