Պուտինը ցավակցել է Բայդենին՝ փոթորիկների զոհերի կապակցությամբ

Տորնադոներ ու փոթորիկներ են եղել ԱՄՆ-ի մի շարք նահանգներում` Իլինոյսում, Միսսուրիում, Արկանզասում, Թեննեսիում և Կենտուկիում, ինչի հետևանքով շուրջ 80 մարդ է զոհվել։

Ռուսաստանի նախագահ Վլադիմիր Պուտինը ցավակցական հեռագիր է հղել ԱՄՆ նախագահ Ջո Բայդենին երկրում մոլեգնող փոթորիկների տխուր հետևանքների կապակցությամբ։ Հեռագիրը հրապարակվել է Կրեմլի կայքում։

Նախագահն ընդգծել է, որ Ռուսաստանում կիսում են բոլոր նրանց վիշտը, ովքեր աղետի հետևանքով կորցրել են իրենց հարազատներին և բարեկամներին։ Նա տուժածներին էլ շուտափույթ ապաքինում է մաղթել:

Հիշեցնենք, որ երեկ փոթորիկ է եղել ԱՄՆ մի քանի նահանգում` Իլինոյսում, Միսսուրիում, Արկանզասում, Կենտուկիում և Թենեսիում։ Առնվազն 6 մարդ է զոհվել, երբ տորնադոն «անցել է» Իլինոյսի Amazon–ի պահեստով, Արկանզասում մահացել է ծերանոցի անդամներից մեկը, Թենեսիում երեք մարդ է զոհվել։