Նախկին պաշտոնյաների մասով քրեական գործերը դոփում են տեղում. «Ժողովուրդ»
- SMM Hub
- Nov 20, 2022
- 1 min read
«Ժողովուրդ» օրաթերթը գրում է.
«Նախաքննական մարմիններում, մասնավորապես՝ ՀՔԾ-ում, Զինվորական քննչական վարչությունում մի շարք նախկին պաշտոնյաների վերաբերյալ հարուցված քրեական գործեր կան: Մասնավորապես, այնտեղ է քննվում ՀՀ զինված ուժերի նախկին պետ Մովսես Հակոբյանի հայտարարությունների վերաբերյալ հարուցված քրեական գործը:
«Ժողովուրդ» օրաթերթը տեղեկացավ, որ արդեն երկար ժամանակ է, ինչ այդ գործով քննչական գործողություններ չեն կատարվում:
Այսինքն՝ Մովսես Հակոբյանին կանչել են հարցաքննության, ու գործը դոփում է տեղում: Քննչական կոմիտեում է քննվում, օրինակ, Արցախի պաշտպանության նախկին նախարար Ջալալ Հարությունյանի ավտոմեքենայի պայթեցման մասով հարուցված քրեական գործը, որից մեկ տարի է անցել, և գործը մնում է տեղում: Այս գործով էլ միայն Ջալալ Հարությունյանին են հարցաքննել: Այս և մի շարք այլ գործերով մեկ տարի է անցել, սակայն որևէ նորություն չեն կարողանում գտնել կամ ներկայացնել հանրությանը»:
Մանրամասն՝ թերթի այսօրվա համարում