iPhone-ի համար գաղտնի հավելվածներ են հայտնվել

Apple-ի սմարթֆոններում հասանելի են դարձել սահմանափակ լսարանի համար նախատեսված հավելվածները, հայտնում է ArsTechnica-ն։

Apple-ը նոր գործառույթ է ավելացրել մշակողների համար՝ թույլ տալով նրանց թողարկել հավելվածներ, որոնք ուղղված են օգտատերերի նեղ շրջանակին: Գաղտնի ծրագրերը տեսանելի չեն լինի App Store-ի այլ այցելուների համար, ոչ էլ կցուցադրվեն տարբեր կատեգորիաներում ու վարկանիշներում:

Apple-ի մասնագետների խոսքով՝ iPhone-ի սահմանափակ թվով օգտատերերի համար հավելվածը տեղադրելու միակ միջոցը այն ուղիղ հղմամբ ներբեռնելն է։ Այս դեպքում ծրագիրը կհայտնվի սարքի սեփականատիրոջ սմարթֆոնում:

Ընկերության կայքում տեղադրված փաստաթղթերում նշվում է, որ նման սահմանափակ ծրագրեր կարող են թողարկվել ընկերությունների, հասարակական կամ կրթական կազմակերպությունների կողմից: Որպես օրինակ՝ լրագրողները նշում են կորպորատիվ հավելվածներն ու ծառայությունները համալսարանների համար, որոնք նախատեսված են շատ նեղ լսարանի համար եւ նախատեսված չեն սպառողների մեծամասնության համար: