«Սիրելի եւ հարազատ մարդու հետ չկա անհնարին ոչինչ»․ Աննա Դովլաթյանն՝ ամուսնու հետ
Դերասանուհի, երգչուհի Աննա Դովլաթյանն ընտանեկան լուսանկարներ է հրապարակել, որոնցում պատկերված է ամուսնու՝ դերասան Դավիթ Աղաջանյանի հետ։
Ինստագրամյան էջում հրապարակված լուսնակարում Աննան կրում է սպիտակ գույնի ոճային զգեստ, ինչը համադրել է բարձրակրունկների հետ։ Հմայիչ կերպարն ամբողջական են դարձնում աքսեսուարները․ վզնոց, ականջօղեր։ Երիտասարդ մայրիկն արձակել է մազերը, նախընտրել է մեղմ շպար։ Ամուսինները ջերմ գրկախառնված են։ «Մեր կյանքի սիրելի եւ հարազատ մարդու հետ չկա այս կյանքում անհնարին ոչինչ։ Նրանք մեր ուժն են, հպարտությունը եւ ոգեշնչման աղբյուրը։ 2022 թվականին շատ մեծ ծրագրեր ունենք եւ նորանոր անակնկալներ կլինեն ձեզ համար։ Միակ բանը, որ կխնդրեմ երկնքից՝ առողջությունն է բոլորիս համար, մնացած ամեն բան մեր ձեռքերում է՝ իհարկե Աստծո կամոք», - գրել է Աննան։
