Երևանը շարունակում է շփումները Մոսկվայի հետ, այդ թվում՝ գերիների վերադարձի հարցով. ՌԴ-ում ՀՀ դեսպան

Երևանը շարունակում է շփումները Մոսկվայի հետ Ադրբեջանի հետ սահմանին ստեղծված իրվաիճակի հարցով, այդ թվում՝ գերիների վերադարձին ուղղված ջանքերի: Այդ մասին «ՌԻԱ Նովոստի»-ն հայտնել է ՌԴ-ում ՀՀ դեսպան Վարդան Տողանյանը։

«Բանակցություններն ընթանում են: Այդ հարցը դրված է, և մենք այդ մասին խոսում ենք»,- ասել է դեսպանը՝ պատասխանելով հարցին, թե արդյոք Երևանը Մոսկվայի հետ շփումներում բարձրացնում է Հայաստանի քաղաքացիներին վերադարձնելու հարցը, որոնք գերի են ընկել վերջին սահմանային միջադեպի ժամանակ:

Հիշեցնենք, որ ըստ ՀՀ ՊՆ հաղորդագրության՝ հայկական կողմն ունի 1 զոհված և 13 գերեվարված զինծառայող, 24 զինծառայողի ճակատագիր անհայտ է: