COVID-19-ից մահացել է Il Divo քառյակի իսպանացի բարիտոնը. նա ստացել էր 2 դեղաչափ պատվաստանյութ
Կորոնավիրուսից մահացել է Il Divo միջազգային քառյակի մենակատար Կառլոս Մարինը: Ինչպես հայտնում է Daily Mail-ը, իսպանացի բարիտոնը մահացել է Մանչեստերի հիվանդանոցում:
Նշվում է, որ 53-ամյա երգչի մոտ «COVID-19» է ախտորոշվել դեկտեմբերի 7-ին: Նա տեղափոխվել է հիվանդանոց անցյալ շաբաթ, ինչպես հայտնել է նրա ներկայացուցիչը: Բուժհաստատությունում նրան արհեստական կոմայի մեջ են գցել և միացրել շնչառական սարքերի:
Երգչի ներկայացուցիչն իսպանական լրատվամիջոցներին հայտնել է, որ Կառլոսը պատվաստված է եղել, նա կորոնավիրուսի դեմ երկու դեղաչափ էր ստացել Մեքսիկայում:
