«Արարատը» զիջեց «Արարատ-Արմենիային»

ֆուտբոլի Հայաստանի Պրեմիեր լիգայի 18-րդ տուրի առաջին խաղում Երևանի «Արարատը» Չարենցավանում ընդունեց «Արարատ-Արմենիային»: Խաղն ավարտվեց հյուրերի նվազագույն հաղթանակով` 1:0: Միակ գոլը 28-րդ րոպեին խփեց Մաիլսոն Լիման:

Հաղթանակից հետո «Արարատ-Արմենիան» վաստակեց 43 միավոր և էլ ավելի ամրապնդվեց առաջին հորիզոնականում: Նրան հաջորդող «Փյունիկն» արդեն ետ է մնում 11 միավորով:

«Արարատը» 30 միավորով շարունակում է զբաղեցնել 3-րդ տեղը: