2022թ. ամենասպասվող սմարթֆոնը iPhone 14-ն է

Apple-ի եւ Samsung-ի 2022թ. թողարկվելիք սմարթֆոնները օգտատերերի եւ լրագրողների կողմից ամենից շատ սպասվածների թոփ-3-ում են, տեղեկացնում է Lenta-ն՝ հղում կատարելով Mozillion-ին։

Վերլուծաբաններն ուսումնասիրել են մեդիան եւ սոցցանցերը, որպեսզի պարբերականների հոդվածների եւ սպառողների հրապարակումների հիման վրա պարզեն ամենասպասված սմարթֆոնն ընթացիկ տարում։ Մասնագետները նշել են 50 դեւայս։ Մոդելների վարկանիշի առաջին տեղում iPhone 14-ն է, որը ստացել է 1,1 մլն նշում։ «Գուցե զարմանալի չէ, որ 2022թ. ամենասպասված հեռախոսը iPhone 14-ն է»,- նշել են փորձագետները։

Թոփ-3-ում ընդգրկվել են նաեւ Samsung Galaxy S22 Ultra-ն, որը հավաքել է 518 հազար նշում, եւ երրորդ սերնդի iPhone SE-ն, որն ստացել է 285 հազար նշում։ Երկու դեւայսների մասին կազդարարվի տարվա առաջին կեսին։ Պարզվել է նաեւ, որ վարկանիշի առաջին տասնյակի մնացած տեղերը բաշխվել են չինական Vivo V23, Xiaomi 12, Oppo Reno 7 եւ այլ սմարթֆոնների միջեւ։