«Հայրենիքի գողերն անցել են զինվորի բաժինը գողանալուն». Էդգար Ղազարյան
Հասարակական, քաղաքական գործիչ Էդգար Ղազարյանի ֆեյսբուքյան գրառումը․ «Հայրենիքի գողերն անցել են զինվորի բաժինը գողանալուն
Այսօրվանից մեկնարկել է պարտադիր ժամկետային զինվորական ծառայության ձմեռային զորակոչը։ Թե ինչպես են Նիկոլ Փաշինյանը և Սուրեն Պապիկյանը թալանում բանակն ու գողանում զինվորի բաժինը, հստակ երևում է Facebook-ի տարբեր հայտարարություններից և գովազդից։ Զինվորական հանդերձանքների և պարագաներ տարբեր խանութներ, որոնք առկա են Երևանի բոլոր թաղամասերում և Հայաստանի գրեթե բոլոր քաղաքներում (հատկապես այնտեղ, որտեղ կան բանակային զորամիավորումներ), հատուկ ձմեռային զորակոչի համար որպես ակցիա, առաջարկում են ամեն ինչ, ինչն անհրաժեշտ է շարքային զինվորին։ Բնականաբար այս ամենի միակ գնորդը կարող են լինել զինվորների ծնողները։ Բնականաբար նրանք այդ ամենը գնելու կարիք ունեն միայն մեկ դեպքում, երբ պետությունը դա զինվորին չի տալիս։ Նիկոլ Փաշինյանի և Սուրեն Պապիկյանի պահած բանակի և թալանի մասին հետեւություններ կարող է անել յուրաքանչյուր բանական մարդ»: