ՌԴ-Ն ԱՎԵԼԻ ԱԳՐԵՍԻՎ Է ԴԱՐՁԵԼ, ԱՅԴ ԹՎՈՒՄ՝ ՀԱՅԱՍՏԱՆԻ ՆԿԱՏՄԱՄԲ. ՄԱԿՐՈՆ
«Վերջին տարիներին Ռուսաստանը մեծացրել է իր ագրեսիան և փոխել է այս ագրեսիայի բնույթը եվրոպացիների և աշխարհի այլ մասերի նկատմամբ. մենք դա տեսնում ենք Հայաստանում, որտեղ Ռուսաստանը հանկարծ փոխեց իր դաշինքը և դարձավ Ադրբեջանի դաշնակիցը միայն այն պատճառով, որ հայերը դիմադրեցին նրանց»։
Նման հայտարարություն է արել Ֆրանսիայի նախագահ Էմանուել Մակրոնը հանրապետության դեսպանների տարեկան հանդիպման ժամանակ։
Մակրոնի խոսքով՝ Ռուսաստանը շատ ավելի ագրեսիվ վերաբերմունք է սկսել հարեւան երկրների նկատմամբ։
«Վերջին տարիներին Ռուսաստանը մեծացրել է ագրեսիան և փոխել է այս ագրեսիայի բնույթը եվրոպացիների և աշխարհի այլ մասերի նկատմամբ, միջուկային դոկտրինի առումով Ռուսաստանի վարքագծի արմատական փոփոխություն է տեղի ունեցել, որն ավելի կոշտ է դարձել։ Նա նաև շատ ավելի ագրեսիվ վերաբերմունք դրսևորեց հարևան երկրների նկատմամբ։ Սա տեսնում ենք Հայաստանում, որտեղ Ռուսաստանը հանկարծ փոխեց իր դաշինքը և դարձավ Ադրբեջանի դաշնակիցը միայն այն պատճառով, որ հայերը դիմադրեցին նրանց:
Ռուսներն ապակայունացրեցին Վրաստանում ընտրական գործընթացները՝ քվեաթերթիկները լցնելով արկղերում։ Նաեւ Մոլդովայում, որտեղ նույն բանը փորձեցին ու ձախողվեցին։ Ես ուզում եմ գովեստի խոսքեր ասել նախագահ Մայա Սանդուի քաջության և ուժի մասին։
Բացի այդ, կարող եմ նշել Ռումինիայի ընտրությունները, որտեղ Ռուսաստանը չխուսափեց շահարկել ԵՄ անդամ երկրում ընտրական գործընթացը»,- ասել է Մակրոնը։
