Դա դաս էր ինձ համար. Անչելոտին նշել է իր գլխավոր սխալը մարզչական կարիերայում

Մադրիդի «Ռեալ»-ի գլխավոր մարզիչ Կառլո Անչելոտին պատասխանել է իր կարիերայի ամենամեծ սխալի մասին հարցին, գրում է armsport.am-ը։

««Ռեալ»-ում իմ առաջին մրցաշրջանից հետո ակումբը ցանկանում էր երկարաձգել պայմանագիրս, բայց ես չափից շատ էի կենտրոնացած աշխատավարձս բարձրացնելու վրա, և ակումբը դադարեցրեց բանակցությունները: Դա իմ երբևէ թույլ տված վատագույն սխալն էր, բայց դա ինձ թույլ տվեց դասեր քաղել»,- El Chiringuito-ի փոխանցմամբ՝ ասել է Անչելոտին:

Հիշեցնենք, որ Անչելոտին առաջին անգամ «արքայական» ակումբը գլխավորել է 2013 թվականին։ 2021 թվականին իտալացի մասնագետը երկրորդ անգամ է ստանձնել «Ռեալ»-ի գլխավոր մարզչի պաշտոնը։