Ոստիկաններին հարցրել եմ՝ արդյոք հիշում եք ձեր երդումը՝ ծառայել ՀՀ-ին, ոչ թե անձին. Հրայր սարկավագ
«Մեր կողմից որևէ սադրանք չկա։ Հիմա չգիտեմ՝ ինչի համար են այս վահանները, ում դեմ են»,- Բաղրամյան պողոտայում լրագրողների հետ զրույցում ասաց Հրայր Սարկավագը, ով «Տավուշը հանուն հայրենիքի» շարժման բազմաթիվ անդամների, շարժման առաջնորդ Բագրատ արքեպիսկոպոս Գալստանյանի հետ գիշերել էր ԱԺ մոտ։
Նա նշեց, որ ժողովուրդը հանգիստ նստած է, որևէ բանով չի խանգարում, հրահրում․ «Երևում է, ով է սադրում և ով, ինչի համար է այստեղ։ Ամեն ինչ իր տեղը կընկնի։
Ոստիկաններին հարցրել եմ՝ արդյոք հիշում եք ձեր երդումը՝ ծառայել Հայաստանի Հանրապետությանը, ոչ թե անձին»։
