«26 համարի ավտոբուսի վարորդը հրաժարվել է վարել»․ Արմենակ Դանիելյան
- 24timeam
- 16 hours ago
- 1 min read
Երևանի ավագանու «Մայր Հայաստան» Խմբակցության անդամ Արմենակ Դանիելյանի ֆեյսբուքյան գրառումը․ «Այսօր` 04.04.2025թ-ին, ժամը 10։00-ի սահմաններում N_26 երթուղին սպասարկող գազելի վարորդը, խախտելով իր պայմանագրային պարտավորությունները, կանգնեցրել է իր կողմից վարվող 5150 S տրանսպորտային միջոցը, հրաժարվել այն վարել՝ պատճառաբանելով ուղևորների չվճարելը, այնինչ մի քանի րոպե վճարային տերմինալը երևի թե տեխնիկական խնդիրների պատճառով վալիդացիա չի կատարել, կամ մերժել է մոտեցման QR-ները։
Երևանի քաղաքապետարան և Երևանի ավտոբուս ՓԲԸ, հիշեցնեմ, որ Երևանի հանրային տրանսպորտի վարորդը հսկիչ չէ, և իր պայմանագրային պարտավորություններում չկա կետ ուղևորներին հրահանգել, կամ պարտադրել վճարում կատարել, իսկ չվճարած քաղաքացու պատճառով, մնացած ուղևորների իրավունքները խախտելով, իջեցնի տրանսպորտից (եթե իհարկե տրանսպորտային միջոցը անսարք չէ )։
Հարգելի վարորդներ, իրականացրեք միայն ձեր պայմանագրից բխող պարտավորություններն ու պարտականությունները, մի՛ իրականացրեք ձեր իրավունքներից դուրս քայլեր, արհեստական կոնֆլիկտ մի ստեղծեք մեր հայրենակիցների հետ»։