«Արատավոր երևույթը ծածկադմփոց անելու փորձ է կատարվում»․ Գեղամ Ստեփանյան
«ՆԳ նախարարի այսօրվա հայտարարությունն առնվազն մտահոգիչ է․ տպավորություն է ստեղծվում, որ ամենաբարձր մակարդակով հովանավորչության հետ գործ ունենք»,- այս մասին լրագրողների հետ զրույցում նշեց Արցախի ՄԻՊ Գեղամ Ստեփանյանը՝ անդրադառնալով Արփինե Սարգսյանի հայտարարությանը՝ Տիգրան Ուլուբաբյանի՝ ոստիկանների կողմից խոշտանգման դեպքի առնչությամբ։
«Կարծես թե փորձ է արվում ծածկադմփոց անելու այս արատավոր երևույթը։ Խիստ մտահոգիչ է, եթե համակարգի պաշտոնյան նման հայտարարություններով ինչ-որ առումով փորձում է արդարացնել»,- ընդգծեց Ստեփանյանը՝ հավելելով, որ խոշտանգման դեպքը պետք է պատշաճ քննության ենթարկվի, արդար նախաքննություն իրականացվի։
