Զելենսկու պահանջը՝ Ուկրաինային միջուկային զենք տալ, սահմանակցում է խելագարությանը․ Պեսկով
Զելենսկու պահանջը՝ Ուկրաինային միջուկային զենք տալ, «սահմանակցում է խելագարությանը», ասել է Կրեմլի խոսնակ Դմիտրի Պեսկովը։
Պեսկովը նաև ասել է, որ վերջին շրջանում ակտիվացել են շփումները Ռուսաստանի և ԱՄՆ-ի միջև առանձին գերատեսչությունների մակարդակով։
Նա նաև անդրադարձել է Թրամփի՝ Գազայի բնակիչներին վերաբնակեցնելու առաջարկին։ Նշել է, որ արաբական երկրները չեն ընդունում այդ գաղափարը։
Պեսկովը նաև ասել է, որ ԱՄՆ պետքարտուղար Մարկո Ռուբիոյի հայտարարությունն աշխարհի բազմաբևեռության մասին համընկնում է Մոսկվայի տեսլականի հետ, և որ «Ռուսաստանը, իհարկե, ողջունում է դա»։
