«Բանակցվող փաստաթուղթը պատերազմի ուղիղ հրավեր է». Նաիրա Կարապետյան
«Այն փաստաթուղթը, որը հիմա բանակցվում է, և որը գոնե քիչ թե շատ գաղտնազերծված է, պատերազմի ուղիղ հրավեր է»,-«Սրբազան պայքար» շարժման երիտասարդների ակցիայի ժամանակ, լրագրողների հետ զրույցում այս տեսակետը հայտնեց ԱԺ նախկին պատգամավոր Նաիրա Կարապետյանը՝ անդրադառնալով Ադրբեջանի հետ կնքվելիք խաղաղության համաձայնագրին: Կարապետյանի խոսքով՝ խաղաղությունը լինում է ուժեղի հետ, իսկ հիմա Հայաստանը ծնկած և թուլացած դիրքում է, հետևաբար պարտվածը չի կարող լինել բանակցող:
