Դրոշներ, փուչիկներ, խաղալիքներ վաճառող առևտրականների նկատմամբ քաղաքապետարանի աշխատակիցներն ու ոստիկանները չափազանց կոպիտ վերաբերմունք են ցուցաբերում․ Դանիելյան

ԱԺ «Հայաստան» խմբակցության պատգամավոր Գառնիկ Դանիելյանը գրել է․

«Երևանի կենտրոնական փողոցներում դրոշներ, փուչիկներ, խաղալիքներ վաճառող առևտրականներն ահազանգում են, որ Երևանի քաղաքապետարանի աշխատակիցներն ու ոստիկաններն իրենց հանդեպ չափազանց կոպիտ վերաբերմունք են ցուցաբերում։ Շատ հաճախ քաշքշում են առևտրականներին, խլում և առգրավում վերջիններիս գույքը։

Նշեմ, որ նրանց շարքերում կան չունևոր, հաշմանդամություն ունեցող քաղաքացիներ, որոնց համար սա ապրուստի միակ միջոցն է։ Եվ քաղաքային իշխանություններն արգելելուց ու տուգանելուց առաջ պետք է այլ հնարավորություններ ստեղծեն այս մարդկանց համար։

Մեր քաղաքացիների նկատմամբ նման վերաբերմունքը անթույլատրելի է։ Քաղաքային իշխանություններին կոչ եմ անում վերանայել այսպիսի մոտեցումը, իսկ ոստիկաններին՝ ցուցաբերել պատշաճ վերաբերմունք»։