Համայնքի ղեկավարի պաշտոնակատարը չի կարող որպես թեկնածու առաջադրվել համայնքի ղեկավարի նոր ընտրություններում․ օրենսդրությունն արգելում է․ Արմեն Մինասյան
Արմեն Մինասյանն անդրադարձել է Գյումրու քաղաքապետի ՔՊ-ի թեկնածու Սարիկ Մինասյանի առաջադրման օրինականության հարցին։
«ՀՀ Տեղական ինքնակառավարման օրենքի 75-րդ հոդվածը սևով սպիտակի վրա կատեգորիկ սահմանում է, որ «...Համայնքի ղեկավարի պաշտոնակատարը չի կարող որպես թեկնածու առաջադրվել համայնքի ղեկավարի նոր ընտրություններում»:
Գյումրիում գրանցված թեկնածուներն այս հանգամանքը, չգիտես ինչու, անտեսել են, մինչդեռ ՀՀ օրենսդրությունը արգելում է, որ Գյումրու քաղաքապետի ԺՊ Սարիկը լիներ Գյումրու քաղաքապետի թեկնածու ՔՊ Սարիկ:
Բնականաբար եվրադիտորդներից մինչև խորը թրամփիստներ թքած ունեն ժողովրդավարության բաստիոնում տեղ գտած ապօրինությունների վրա, կարևորը` խաղաղության խաչմերուկին ոչինչ չսպառնա»,- գրել է Մինասյանը:
