ՈՎ Է ՍՊԱՆՎԵԼ ՇԱԲԱԹ ՕՐԸ ՍԱՐԻ ԹԱՂՈՒՄ․ ՍՊԱՆՎԱԾԻ ԻՆՔՆՈՒԹՅՈՒՆԸ ՊԱՐԶՎԵԼ Է

Շաբաթ օրը Սարի թաղում ողբերգական դեպք է տեղի ունեցել։ ՆԳՆ ահազանգ էր եղել, որ Սարի թաղի կրակոցները հնչել են Սարի թաղ 6-րդ փողոցի 28 տան բակում։ Դեպքի վայր ժամանած իրավապահները հայտնաբերել էին արնանման հետքեր, հողաթափեր, իրեր։ Հիվանդանոց տեղափոխված վիրավորներից մեկը մահացել էր։ 

Դեպքի փաստով «սպանություն» հատկանիշներով նախաձեռնվել էր քրեական վարույթ։ ՀՀ քննչական կոմիտեից «Հրապարակ»-ին հայտնեցին, որ մարտի 15-ին ժամը 20.21-ին «Էրեբունի» Բ/Կ-ից ՀՀ ՆԳՆ ոստիկանության ՕԿԿ հաղորդում է ստացվել, որ Սարի Թաղ 6-րդ փողոցից «կրծքավանդակի հրազենային վիրավորում» ախտորոշմամբ հարազատների կողմից իրենց մոտ է տեղափոխվել 1991թ.ծնված Նվեր Խ-ն, ով մահացել է: Ժամը 20.42-ին «Էրեբունի» Բ/Կ-ից հաղորդում է ստացվել, որ Սարի Թաղ 6-րդ փողոցից «ձախ դաստակի հրազենային վիրավորում» ախտորոշմամբ շտապօգնության խումբն իրենց մոտ բուժօգնության է տեղափոխել 1987թ.ծնված տղամարդու։ 

Վերջինս հանդիսանում է Նվեր Խ-ի հորեղբոր որդին:

Կազմված փաստաթղթերը ուղարկվել են Էրեբունի և Նուբարաշեն վարչական շրջանների քննչական բաժին:

ՀՀ քննչական կոմիտեից «Հրապարակ»-ին հայտնեցին, սպանության առթիվ նախաձեռնվել է քրեական վարույթ՝ Քրեական օրենսգրքի 155-րդ հոդվածի 1-ին մասի և 335-րդ հոդվածի 1-ին մասի հատկանիշներով: Նշանակվել է դիակի դատաբժշկական փորձաքննություն: