Նավալնիյ / Արմեն Գրիգորյան․ ՀՀ դատական համակարգը՝ Փաշինյանի տրամադրության տակ

Նավալնու տրոմբի համար սուգ ու շիվան կապածները որևէ ծպտուն չեն հանել Հայաստանի բանտերում գտնվող քաղբանտարկյալների՝ Արմեն Աշոտյանի, Մամիկոն Ասլանյանի, Նարեկ Մալյանի մասին: Նույն մարդիկ, ովքեր քաղբանտարկյալ Արմեն Գրիգորյանի ողբերգական մահը էդպես չէին սգում, ինչպես օտար գործիչ Նավալնու մահը օտար երկրի բանտում։ Նրանց անունն է «սորոսական իրավապաշտպաններ»։

Չկա այդպիսի դատավոր, որ իմ ուզածը չանի, այդպես հայտարարել էր Փաշինյանն ու մինչ այսօր ապացուցում է, որ ճիշտ է ասել։ Առաջին անգամ դատախազաքննչական որոշմամբ 10 օր առաջ ստացված կալանքն իրենք իսկ «ջրում» են։ Դեպքը վերաբերում է հանրահայտ Synergy ընկերությանն ու Ալեն Սիմոնյանի հարսին։   Երբ Տաթևիկ Վիրաբյանը բանտում էր՝ երկու երեխաների մայրը, քպ-ական կանոնները չէին գործում։                                                                          ՀՀԿ փոխնախագահ Արմեն Աշոտյանի համար երաշխավորություն ներկայացրած անձանց քանակն ու կշիռն անհամեմատելի էր, սակայն ՔՊ-ական դատավորը կրկին անգամ ապացուցեց, որ իրավական ճանապարհով անհնար է հաղթել ՔՊ-ական դատարաններին։ Ինչպես Աշոտյանն էր նշում՝ իր մեկ սխալի հետևանքով ինչքան մարդու կարող էին քրեական պատասխանատվության ենթարկել, բայց առանց քաղբանտարկյալների Հայաստանը Փաշինյանի համար չէ։

Դատական համակարգի հերթական “գոհարներից” է քաղբանտարկյալ Նարեկ Մալյանի “լայվի” գործը։ 2 ամսով երկարաձգեց Մալյանի կալանքը, որովհետեւ դատարան բերված «մի կին ատամնատեխնիկ», վերլուծելով Մալյանի լայվի հոգեբանա-կենսաբանական շերտերի էմոցիոնալ վարակի անգիտակցական հոսքը, դատարանի դահլիճում անսասան հայտարարեց՝ «Մալյանի ելույթը իր մեջ պարունակում է հոգեբանական վարակը կոլեկտիվ անգիտակցականով ակտիվացնելու միջոցով ազդեցությունը ուժգնացնելու գործոններ»։ Դատավոր Սուսաննա Գզոգյանը նշեց, որ դատական նիստերի դահլիճում Նարեկ Մալյանը հնչեցնում է որոշակի արտահայտություններ, որոնք դատարանին հիմք են տալիս եզրահանգելու, որ լինելով ազատության մեջ նա կկատարի հնարավոր հանցավոր նոր արարք:

Փորձագետ հոգեբանը եզրակացություն գրելիս հղում է տալիս իր իսկ գրած հոդվածներին, իր մտերիմների գրքերին, համագործակցում է գրեթե բոլոր իրավապահ մարմինների հետ, իր ղեկավարած ՀԿ-ն պետական բյուջեից՝ այսինքն փաստացի իշխանությունից ստանում է գումար եզրակացություններ տալու համար, սակայն վերջինս պնդում է, որ ինքն անաչառ է: Հոգեբանը կարծում է, որ նորմալ է, երբ մարդու խոսքի մասին հոգեբանական եզրակացություն է տրվում առանց մարդուն տեսնելու և իրավիճակը հաշվի առնելու:

ArmDaily.News