Թոմ Քրուզը «երկինք կվերադառնա» Top Gun ֆիլմի երրորդ մասում
«Top Gun: Maverick»-ը Թոմ Քրուզի կարիերայում դարձավ ամենափողաբեր նախագիծը, եւ հիմա պատրաստման փուլում է ֆիլմի երրորդ մասը։
Top Gun-ի համահեղինակ Էրեն Կրյուգերն աշխատում է նախագծի սցենարի շուրջ, որը կվերամիավորի Քրուզին մյուս աստղերի՝ Մայլս Թելլերի եւ Գլեն Փաուելի հետ:
«Top Gun։ Maverick»-ը, որտեղ Քրուզը խաղում է ռազմածովային ուժերի օդաչու Փիթ «Մավերիկ» Միտչելի դերում, որը նոր սերնդի կործանիչների օդաչուների խորհրդատու է, դարձավ 1986 թվականի Top Gun ֆիլմի ուշացած շարունակությունը՝ հավաքելով ավելի, քան 1,49 միլիարդ դոլար համաշխարհային կինովարձույթում՝ դառնալով Քրուզի լավագույն ֆիլմը։
«Առաքելությունն անհնարին է․ hետեւանքները» ֆիլմը, որը թողարկվել է 2018 թվականին, նախկինում դարձել է դերասանի ամենամեծ հաջողությունը՝ 791,1 միլիոն դոլար եկամուտով:
