Շվարցենեգերին ձերբակալել են Մյունխենի օդանավակայանում ժամացույցի պատճառով
Ամերիկացի դերասան և Կալիֆորնիայի նախկին նահանգապետ Առնոլդ Շվարցենեգերին ձերբակալել են Մյունխենի օդանավակայանում։ Մաքսային վարչությունից հայտնել են, որ դերասանի նկատմամբ հետաքննություն է սկսվել հարկերից խուսափելու համար։ Այս մասին հայտնում է Bild-ը՝ հղում անելով աղբյուրին։
Պարբերականի տվյալներով, դերասանն արդեն մի քանի ժամ է, ինչ գտնվում է օդանավակայանի ոստիկանական բաժանմունքում։ Պատճառը նրա մոտ հայտնաբերված շվեյցարական Audemars Piguet շքեղ ժամացույցն է, որը, ինչպես ասում է Շվարցենեգերը, ինքը պատրաստվում է վաճառել աճուրդով։
Պարբերականը գրում է, որ Մյունխենից Շվարցենեգերը մտադիր էր մեկնել Ավստրիայի Կիցբյուել, որտեղ ընթանում է Կլիմայի համաշխարհային գագաթնաժողովը։
